Tidsskriftet har alltid vore prega av dei norske motkulturane og dei norske folkerørslene. Vi er det einaste ålmennkulturelle tidsskriftet som blir gitt ut på nynorsk. Eigar og utgjevar er Litteraturselskapet til Det Norske Samlaget. Syn og Segn har som mål å vere eit tidsskrift som engasjerer, rører og opplyser folk i bygd og by.
Syn og Segn har ein tilsett, og det er redaktøren, Martin Årseth.
Årseth har studert historie og samanliknande politikk ved Universitetet i Bergen. Han har vore journalist i Klassekampen dei siste fem åra før han kom til Syn og segn, og har før det jobba i ei rekkje lokalaviser, som Vest-Telemark blad, Bergensavisen, Sunnmørsposten med fleire. I tillegg til å ha formidlingsjobbar i Den kulturelle skulesekken, Statistisk sentralbyrå og skrive frilansartiklar for mellom anna Josimar.
