Ragnar Hovland


Foto: Herborg Pedersen
Last ned portrett

Litterære prisar

Aschehougprisen 2012 Bastianprisen

For nyomsetjing av Georgs magiske medisin (Roald Dahl)

Doblougprisen

Doblougprisen for 2008

Kritikarprisen

For Fredlaus (Roald Dahl)

Vinjeprisen

Vinjeprisen for 2005

Samlagsprisen

Samlagsprisen for 2002

Sunnmørsprisen

For Norske gleder

Kritikarprisen

For Ei vinterreise

Nynorsk litteraturpris

For Ei vinterreise

Noregs Mållags barnebokpris

For Bjørnen Alfred og hunden Samuel forlet pappkartongen

Brageprisen

For Ein motorsykkel i natta

Melsom-prisen

For Sjølvmord i Skilpaddekafeen

Kultur- og kyrkjedepartementet sin omsetjarpris for barne- og ungdomslitteratur

For Den siste sjørøvaren (Mats Wahl)

Noregs Mållags barnebokpris

For Sjømannen, tante Elida og dei største eventyr

Førsteprisvinnar i Eides barnebokkonkurranse

Med Sjømannen, tante Elida og dei største eventyr

Samlagets romankonkurranse

Ein av tre likeverdige vinnarar

Noregs Mållags barnebokpris

For Den flygande sykkelen

Kultur- og vitskapsdepartementets debutantpris

For Det får stå til

Falturiltufestivalen Festivalforfattar Festspeldiktar 2008

Festspeldiktar under Dei Litterære Festspela i Bergen



(f. 1952) er ei av dei mest særeigne stemmene i norsk litteratur. Full av spenstige innfall, merkverdige karakterar og populærkulturelle referansar har han i snart 30 år gitt ut meir enn 40 bøker i alle sjangrar. Hovland debuterte i 1979 med romanen Alltid fleire dagar og blei raskt ein sentral forfattar utover i 1980-åra. I suveren, slentrande stil skreiv han befriande humoristisk om livet på ville vestlandsvegar, med hyppige og burleske referansar til popmusikk og film. Hovland fekk tidleg eit trufast og ihuga publikum, og fleire yngre forfattarar er i dag tydeleg inspirerte av hans måte å bruke humor, ironi og intertekstualitet på.

I Hovlands kanskje mest kjende roman, Sveve over vatna (1982), er handlinga lagd til Bergen og universitetet. Her dukkar Dr. Munk for første gong opp i forfattarskapen, og sidan har denne anarkistiske sauebonden, fylliken og rytmegitaristen ridd forfattaren som ei mare. Dr. Munk er ein typisk representant for dei styrlause vestlendingane som har det med å dukke opp når ein minst ventar det i Hovland sine bøker. Blant Hovlands mange populære bøker er det verdt å trekkje fram Sjølvmord i Skilpaddekafeen (1989), som han fikk Melsomprisen for, Ein motorsykkel i natta (1992), som vant Brageprisen, Ei vinterreise (2001), som blei tildelt både Kritikarprisen, Samlagsprisen og Nynorsk litteraturpris, og Fredlaus (2006), som fekk Norsk litteraturkritikerlags barnepris og Kritikarprisen. Det er dessutan vanskeleg å komme utanom jubileumsboka Åleine i alpane (1999), der Hovland markerte sitt eige 20-årsjubileum som forfattar med å gi ut heile 20 bøker i eitt band.

Hovland har, ved sida av sin eigen originalproduksjon, gjort ein stor innsats som omsetjar og gjendiktar. For nyomsetjinga av Roal Dahls Georgs magiske medisin fekk han Bastianprisen i 2008. Hovland har òg ei lang karriere som musikar bak seg, m.a. som keyboardist og vokalist i bandet Dei nye kapellanane. Han var festspeldiktar under Dei nynorske festspela i 1997 og under De litterære festspillene i Bergen i 2008. Hovland er fødd i Bergen, og voks opp fleire stader på Vestlandet. Han er utdanna cand.philol. med fransk hovudfag frå Universitetet i Bergen, og bur no i Oslo.



Bøker av Ragnar Hovland