Under snøen

Ragnar Hovland

Hemmeleg kultroman frå Ragnar Hovland for første gong i billigbok

Eit avsidesliggjande, forfallent hus med mange rom er bustaden til den unge organisten Stefan og ei brokete samling personar som litt etter kvart har flytta inn der. No er dei alle innesnødde. Og det skaper problem for alle så nær som Den Gamle, som fann på å døy etter at snøen kom, men før han fekk lagt ifrå seg Playboy og gøymt nøkkelen til skrinet med dei 450 000 kronene og testamentet.

Ragnar Hovland seier dette om nyutgjevinga av Under snøen:

- Under snøen skreiv eg samtidig med Sveve over vatna (1982) og boka kom ut året etter, på Gyldendal. Medan Sveve over vatna var ein roman som skulle vere laus i forma, open for alle slags innfall, skulle Under snøen vere samanhengande og stram, ein slags lukka rom-roman. Eg synes desse to romanane kompletterer kvarandre. Medan Sveve over vatna har levd sitt liv og kome i stadig nye opplag, forsvann Under snøen inn i litteraturens mørke. Heilt til no.


ISBN: 9788252174007

Kategoriar: Pocket, Ragnar Hovland, Skjønnlitteratur

Emneknagg: 2009, Pocket,

Sjanger: Romanar og noveller



Meir frå Ragnar Hovland