Møt eit av Noregs mest fascinerande dyr.
Da den norske havørna vart freda i 1968, var ho nær utrydda etter eit hundreår med systematisk nedslakting. Iherdig innsats frå ornitologiske entusiastar har gjort fredinga til ein suksess. Vi har i dag ein ny, levedyktig bestand med bortimot 14 000 havørner i Noreg.
I boka blir vi betre kjente med denne store rovfuglen, eit av dei mest eksotiske innslaga i den norske faunaen. Saman med den fremste ørneeksperten i landet, Alv Ottar Folkestad, og fotograf Roger Engvik tar forfattaren oss med inn i kvardagen i havørnfamilien. Boka fortel om den planmessige utryddinga havørna vart utsett for, og den vellykka redningsaksjonen, viser kva rolle ørna har hatt i folketrua og mytologien, og ser ørnehistoria i lys av dei store miljøutfordringane i vår tid. I ei tid der dyreartar blir utrydda i eit faretrugande tempo, er dette ei bok som gir håp.
Sitat frå melding
«"Vi får ei historisk og delvis ei geografisk oversikt over denne fuglens liv, og korleis ho lever i dag. Vi får også glimt av korleis ørna er forstått og bruk i politikk og kunst, religion og mytologi, og vi får flotte ørnebilete. Dette er ei kjekk og lærerik bok for alle som måtte vera opptekne med ørn, særleg havørn!"» - Johannes Kleppa, Dagen
