Samlaget arrangerer kurs for nynorskingar som kan tenkja seg å jobba med språkvask og korrektur

 

Den 7. februar inviterer me til eit heildagskurs i Oslo der me diskuterer språklege problemstillingar og jobbar med språkvask og korrektur. Mangeårig språkvaskar og ordlisteredaktør Aud Søyland leier kurset. I tillegg kjem språkvitar og forfattar Kristin Fridtun for å snakka om skilnaden på bokmål og nynorsk.  

Er du interessert i språk generelt og nynorsk spesielt og kunne tenkja deg å jobba med nynorsk språk, håper me du vil søkja. Du må ha god kjennskap til nynorsknorma og vera glad i litteratur.

Send ein søknad (ei halv side) der du fortel om motivasjonen din og ev. erfaring frå språkarbeid til manusredaktør o.malmin@samlaget.no. Deltakarane som får plass, vil få to oppgåver som skal leverast før seminaret.  

Frist for innsending av søknad: 10. desember 2019. 

Deltakarane får reisetilskot. Samlaget kan hjelpa til med overnatting til dei som treng det. 


Det Norske Samlaget er det leiande nynorskforlaget i Noreg og har fremja nynorsk språk og litteratur i meir enn 150 år. 






Fleire artiklar

Les første kapittel i Hareides fall. 36 dagar som endra norsk politikk
Les første kapittel i Hareides fall. 36 dagar som endra norsk politikk

Hareides fall er ei intens og medrivande forteljing frå innsida av maktas korridorar, ei forteljing om å stå for det ein trur på.

Les heile artikkelen →

Englemakerskene
Englemakerskene

I 1901 kom den mest alvorlege barnedrapssaka i norsk historie opp for retten i Kristiania. Seks kvinner blei tiltalte for å ha medverka til at over tjue småborn, dei fleste av dei spedborn, mista livet. Dette skjedde medan dei fattige borna var sette bort til pleie hos tre av dei tiltalte kvinnene.

 

 

 

Les heile artikkelen →

Les novella
Les novella "Kart og terreng" frå Eikemo si nye novellesamling

"- Eg vil skilje meg, seier kvinnestemma i andre enden. Gro drar pusten djupt. Det er heilt utroleg kva folk ringer til Kartverket om!"

 

Les novella "Kart og terreng" frå Marit Eikemo si nyaste novellesamling Hardanger her. 

 

Les heile artikkelen →