Okkupert kjærleik

Ragnfrid Trohaug

Ragnfrid Trohaug er 25 år og debuterer på Det Norske Samlaget med Okkupert kjærleik, ei bok som har vore klassifisert som ungdomsroman, men som samtidig fortener vaksne lesarar - ikkje minst på grunn av språket.

Den spennande handlinga blir gjord levande for lesaren gjennom ei rytmisk, intens forteljar-stemme der tankane til hovudpersonen glir saman med dialogen og dei ytre hendingane. Dette er gjort på ein slik m?te at boka samtidig er lett å lese. Ida er femten og har alltid vore tett knytt til storebror Thomas. Men denne sommaren er ingenting som før Thomas har fått seg kjærast, og far og mor er bortreiste. Ida har ei tung tid og sit i lange stunder for seg sjølv oppe i tenkjetreet sitt. Men så dukkar Linn, den ukjende jenta, opp, og Ida rømmer til Huset, den okkuperte bygningen der Linn held til. Sommaren blir heilt annleis enn Ida har tenkt seg.

At ting endrar seg, at ikkje noko er varig, er dermed eit viktig tema i boka. Etter kvart opplever Ida at det er spennande å gå aktivt inn i dei nye, uvande situasjonane, og gjennom å meistre dei, blir ho ei ny og sterkare Ida. Slik går boka rett inn i dei utfordringane unge menneske av i dag blir konfronterte med.


ISBN: 9788252162332

Kategoriar: Pocket, Ragnfrid Trohaug

Emneknagg: 2003, Pocket,

Sjanger: Unknown Type



Meir frå Ragnfrid Trohaug