Meldingar
«Mektig historie om ein tvangsnevrotikars rørsle inn i noko endå større enn seg sjølv. [...] Med Meieriet har Mette Karlsvik skrive ein medrivande roman over eit omfattande emneregister.» Jan Askelund, Stavanger Aftenblad
«Mette Karlsvik har skrive ein sterk roman om kjerneverdiar ... Karlsvik skriv rikt og poengtert ... I tillegg til å skriva godt, til dels særs godt, tenkjer Mette Karlsvik godt, så godt at lesaren får eit intellektuelt lyft ... ei forvitneleg skildring av eit menneske på innsida og utsida, og rett og slett den ultimate romanen om graviditet, barsel og amming. Mjølk tek mykje plass i denne romanen, mjølk som livskjelde, mjølk som handelsvare, produksjon av mjølk, og tittelen på boka, og plassen der handlinga går føre seg, høver så godt at det lyt karakteriserast som ein genistrek.» Odd W. Surén, Dag og tid
Bla-i-boka
Mette Karlsvik
Mette Karlsvik (f. 1978) debuterte i 2005 med romanen Vindauga i matsalen vender mot fjorden, som ho fekk Tarjei Vesaas’ debutantpris for. I 2012 fekk ho både Bokhandlarstipend, Stig Sæterbakkens minnepris og Skien kommunes kunstnarstipend. Romanen Bli Björk (2011) blei nominert til Brageprisen. Forfattarskapen hennar er kjenneteikna av eit unikt blikk på verda, eit blikk som famnar alt frå det mikroskopiske til det globale, gjerne i éi rørsle og setning.