Historia om Ivar Aasen er standardverket som fortel mykje nytt og uventa om det du trudde du visste om Ivar Aasen.
Ivar Aasen reiste lenger enn Marco Polo, hadde bøker på minst 20 språk og hugsa alt han hadde lese éin gong. Han var bondesonen og vegarbeidaren som moderniserte Noreg, grunnla den nynorske diktekunsten og blei ein internasjonalt respektert språkforskar.
Berre 22 år gamal bestemte Ivar Aasen seg for å finne det språket som alt var på folkemunne, og gjere dette til det norske språket. Offentleg sa han det først 16 år seinare,
og laga seg ein grenselaust ambisiøst arbeidsplan. Lesaren blir med Aasen landet rundt og livet gjennom i arbeidet hans med å oppfylle planen. Rekk han det han må få gjort?
Boka fekk strålande kritikkar då ho kom ut i 2013 og vart nominert til Kritikarprisen. Denne nye utgåva inneheld mange bonussider med ukjent stoff, tidstavle og komplette kjeldelister.
Meldingar
Biografien får fram korleis Ivar Aasen vidareførte ideala frå opplysingstida. I boka til Ottar Grepstad trer lingvisten og språkforskaren fram som visjonær og like uthaldande som ein maratonløpar. Grepstad krydrar biografien med sitat frå Aasens dagbøker, og «Historia om Ivar Aasen» gjer han til eit levande menneske med sterke og svake sider.
Gro Jørstad Nilsen, Bergens Tidene
Boka er lettlest, opplysende og god - den blir mer og mer interessant for hver side, etter hvert som vi blir bedre kjent med dette underlige flogvitet som behersket ti språk og som gikk til fots gjennom landet i sko nr. 42 og forandret Norge til Noreg. Det er også en velskrevet biografi, som kler Ivar Aasens kropp på en annen måte enn Stephen J. Waltons verk fra 1996, «Ivar Aasens kropp», som var et sjangeroppgjør med den kronologiske biografien. (...) Bedre gave til Ivar Aasen på hans fødselsdag den 5. august kan vanskelig tenkes.
Arne Dvergsdal, Dagbladet
Ottar Grepstads bok av året, Historia om Ivar Aasen, er mer enn velskrevet, den er formfornyende (...) Grepstad gjør ikke skam på den litterære og kulturelle tradisjonen han står i. Språket er preget av lun humor og fyndig språklek.
Ivo de Figueiredo, Morgenbladet
Grepstad lykkes med oppgaven til terningkast seks, for sjelden har jeg vel lest en biografiforfatter som viser tilsvarende oversikt og forståelse for sitt stoff. Samtidig som han lykkes med å kombinere rikt engasjement, stor fortellerglede og skarpe analyser. Ut av dette kommer det en fortelling om en mann og et livsverk som ikke har sitt like i Norges historie.
Sindre Hovdenakk, Verdens Gang
Bla-i-boka
Ottar Grepstad
Ottar Grepstad (f. 1953) er forfattar, språk- og litteraturvitar med over førti bøker bak seg. I 2013 kom den kritikarroste Historia om Ivar Aasen og Språksansen. Kalender om all verdas språk. Grepstad har hatt ei rad roller i norsk kulturliv og var i 19 år direktør for Nynorsk kultursentrum. Han fekk Norsk språkpris 1999 for Det litterære skattkammer. I 2018 vart han utnemnd til riddar av 1. klasse av St. Olavs orden.
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO