Kl. 01.47 ringjer nattevakta på eit hotell i Washington D.C. til politiet. Det får nestkommanderande W. Mark Felt i FBI til å gjere noko han avslører 33 år seinare. På høglys dag går to maskerte menn inn på ein skulebuss i Mingora. «Kven er Malala?» spør dei. Kl. 14.30 har Paul McCartney studiotid i London for å spele inn «Blackbird». Etter 32 opptak gir han seg ved midnatt.
«1900-talet» byd på over åtti historier om folk som har forma vår tid. Forteljingane tek til i nærmare femti land og rommar scener frå mange fleire. Der dukkar dei opp, politikarar og forfattarar, offiserar og musikarar, side om side med legar og romfararar, forskarar og vaktmeistrar. I grenselaus forteljeglede tek forfattaren lesaren med dit det skjedde. Forteljingane er ordna etter klokkesletta då dei skjedde. Det opnar ein ny inngang til verdshistoria, og alt ordnar seg ikkje til slutt.
Dette er ei lesebok om eit felles døgn, og eit felles århundre. Slik ingen før har skrive det.
Sitat frå melding
«Engasjerende litterær filmavis fra et dramatisk århundre. [...] både engasjerende og opplysende» Sven Egil Omdal, Stavanger Aftenblad
«Imponerende overblikk over revolusjoner og kamper, vitenskapelig og teknologisk utvikling, kvinnekamp og frigjøring fra kolonialisering. [...] Med sitt overordnede grep byr boka [...] på en interessant rekapitulasjon, og også en rekke innfallspunkter som vekker nysgjerrighet og iver etter å lese mer.» Bjarne Robberstad, Klassekampen
