Forteljaren, Rolf Sagen, reiser tilbake i tid, til midt på 1950-talet, realskuletida i Sykkylven, der faren var sjef for det kommunale kraftverket, tida då jazzen kom til Sykkylven og forteljaren både spelte i band og var med og starta Sykkylven Jazzklubb. Kan ein leite gjennom gamle dagbøker og finne ut når ein bestemte seg for å bli kunstnar? Dette er eit av mange spørsmål forfattaren prøver finne svar på. Det er ein både særeigen og godt fortald roman, noko heilt for seg sjølv. Tematisk er denne boka både Portrett av diktaren som ung mann og På sporet av den tapte tid, på Sunnmøre, i etterkrigstida.
Meldingar
Rolf Sagen
(f. 1940) har sidan debuten i 1968 gitt ut eit titals romanar, dikt, noveller og barnebøker. Best kjende er romanen Mørkets gjerninger frå 1976 og den sterkt kritikarroste Lyden av vatn frå 1990. Sagen blei fødd i Vadheim i Høyanger kommune, men voks opp i Sykkylven. Han er utdanna psykolog og fekk Tarjei Vesaas debutantpris da han debuterte med diktsamlinga Dørklinker i 1968.
Sagen markerte seg som ein sentral norsk forfattar på i 1970-åra, og var tidleg ute med å eksperimentere med dokumentarstoff, t.d. i collagen Kvengedal frå 1970. Romanen Mørkets gjerninger, som fekk Kritikarprisen i 1976, blei eit gjennombrot for Sagen. I tillegg til å skaffe han fleire lesarar blei det laga fjernsynsfilm på grunnlag av romanen. I 1986 kom den elleville Springfart ved fjorden, mens dokumentarromanen Mercedesryttaren frå 1988 byggjer på Sagens eigne opplevingar som deltakande observatør til politivaldsaka i Bergen. Lyden av vatn, som er tydelig inspirert av Kafka og Beckett, kom i 1990, og blir av mange rekna som Sagens beste bok. Handlinga går føre seg i eit draumelandskap og fortel korleis ein personlegdom i vår tid kjempar for å finne seg sjølv. Ein kan sjå tematiske likskapar til Lyden av vatn i fleire av Sagens seinare utgivingar, som i novellesamlingane Blendverk (1998), Reisa til D. (2002) og romanen Skog (2004). Her skapar Sagen igjen eit gåtefullt og draumeaktig univers, der tid, identitet og framandkjensle er viktige stikkord. I romanen Kraftverk (2007) tek Sagen utgangspunkt i sine eigne gamle dagbøker, mens Lommehunden frå Ribo (2008) er ein etterlengta oppfølgjar til kultromanen Springfart ved fjorden (1986).
Rolf Sagen grunnla Skrivekunstakademiet i Hordaland i 1985, og verka som lærar og dagleg leiar der fram til han pensjonerte seg hausten 2007. Ein stor del av dei etablerte forfattarane i Noreg har dermed mykje å takke han for. Sagen har òg vore aktivt medlem i Den norske Forfatterforening, og mottok i 2003 Samlagsprisen for sin forfattarskap.
Litterære prisar
Samlagsprisen
Samlagsprisen for 2003
Kritikarprisen
For Mørkets gjerninger
Tarjei Vesaas' debutantpris
For Dørklinker.
Kjøpsvilkår
Standard kjøpsvilkår
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO