Last ned omslag

Bla-i-boka

Grotten. Historia om eit hus og fem kunstnarar

Ingvild Bræin

Bli med inn i Grotten!

Sidan 2011 har det budd ein svartkledd vestlending i Grotten, nemleg Jon Fosse.
Det rosa huset på ein fjellknaus i utkanten av Slottsparken har sidan 1922 vore æresbustad for fortente kunstnarar, men huset blei bygd lenge før det. Den 17. mai 1841 stod huset ferdig, og Henrik Wergeland og kona Amalie Sofie flytta inn, saman med blant andre hesten Veslebrunen og kråka Kari. Huset blei i si tid bygd fordi Henrik Wergeland la sin elsk på plassen. Etter Wergeland har nokre av dei fremste norske diktarane og komponistane fått bu i Grotten: Christian Sinding, Arnulf Øverland, Arne Nordheim og no Jon Fosse.

Grotten er ei forteljing om huset og kva som har skjedd der. Boka handlar om nokre uvanlege skikkelsar i norsk historie: Korleis var kvardagslivet deira, og kva blei skapt i huset på knausen? Og det finst dei som har takka nei: Tarjei Vesaas kunne ikkje tenkje seg å forlate Vinje til fordel for å sitje på utstilling i Slottsparken. Mange blei urolege då erkevestlendingen Jon Fosse skulle bli kongens nabo. Ville han bli ein annan no, langt borte frå vestlandske fjordarmar og duskregn?


ISBN: 9788252195590

Kategoriar: Fakta og dokumentar, Ingvild Bræin, Jon Fosse 60 år, Kommande bøker

Emneknagg: 2019, haust 2019,

Sjanger: fakta og dokumentar


Meir frå Ingvild Bræin