Lyslandet: dikt i utval: 1970-2000
Gjennom dikta sine formidla ho det menneskelege og det tidlause, og trua på menneske og det gode i menneske går som ein raud tråd gjennom diktinga hennar. Sjølv i dikta om sjukdom, tap, sorg og sakn glimtar det av optimisme og livsglede.
H.M. Kong Harald begynte nyttårstalen sin i 2017 slik: «'Det går ein stor vilje gjennom verden', skriver Åse-Marie Nesse i et av sine dikt. Denne viljen får alt levende til å strekke seg mot lyset. Den gjør at vi helst vil hjelpe når vi ser at noen trenger det. Den gjør at de aller fleste av oss står opp til en ny dag uansett hva som vil møte oss». I «Lyslandet. Dikt i utval» finn du dei kjende dikta «Legg ikkje ditt liv i mi hand», «Viljen» og mange andre dikt til trøyst, oppmuntring, glede og ettertanke.
Utval og føreord ved Karen Selma Mariendal.
Åse-Marie Nesse
Åse-Marie Nesse (1934-2001) debuterte i 1970 og gav ut i alt tolv diktsamlingar. Ho var ein prislønt gjendiktar og hadde i ei årrekkje stilling som førsteamanuensis i tysk litteratur. I sitt virke kombinerte Nesse inngåande litteraturkunnskapar med unik formidlingsevne og poetisk skapingskraft. Åse-Marie Nesse var ein av våre mest folkekjære diktarar. Med stor formidlingsevne og eit formsikkert poetisk språk kombinerte ho klassisk europeisk danning og kunnskapar om vestleg mytologi med interesse for framande kulturar og religionar, framfor alt latinamerikanske. Forfattaren stod også for ei lang rekkje av gjendiktingar og er ein sentral formidlar av europeisk litteratur. Seinast fullførte ho gjendiktinga av heile Goethes Faust, med Faust II som kom ut til Goethe-jubileet og hausta strålande kritikkar. Åse-Marie Nesse har fått ei rad prisar for bøkene sine, og vart sommaren 2001 kåra til riddar av St. Olavs Orden. Prisar og utmerkingar: Bastianprisen, 1967 Sarpsborgprisen, 1976 Sunnmørsprisen, 1978 Stavanger Aftenblads kulturpris, 1981 Ønskediktprisen, 1981 Klepp kommunes kulturpris, 1992 Den tyske æresordenen Bundesverdienstkreuz, 1993 Førstepremie i konkurranse om gjendikting av Shakespeare-sonett, 1998 Festspeldiktar ved Dei Nynorske festspela, 1999 Doblougprisen, 1999 Bokklubbenes skjønnlitterære oversetterpris, 1999 Nynorsk litteraturpris for 1999 Riddar av St. Olavs Orden, 2001
Kjøpsvilkår
Standard kjøpsvilkår
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO