Kairos
«Eg skriv til dykk frå ei anna verd». Med desse orda opnar Andrzej Tichy sin mest ambisiøse roman hittil. Omgrepet kairos er, i antikkens tidsoppfatning, ein kriseaugneblink, eit kritisk punkt mellom to hendingar, i motsetnad til kronos, den lineære tida. Tichy utforskar kritiske punkt i historia til det 20. og 21. hundreåret. Romanen er ein kollasj av skjebnar, stemmer og bilete som går på tvers av den lineære tida; gjennom sitatmosaikk og skiftande forteljarspor undersøkjer han krisa og valden, opprøret og avmakta, håpet og fortvilinga, utopien og dystopien. I Kairos' vev av stemmer og bilete gnissar både 1900-talet, samtida og framtida mot kvarandre: 30-talsdepresjonen, Peter Weiss' møte med Karin Boye, Bernward Vesper og 68-rørsla, den arabiske våren og ein Jeanne d'Arcskikkelse som rører seg mellom ulike stader. Kairos er ein treffande sivilisasjonskritikk som verkar eksplosiv og utfordrande.
Meldingar
Tichy skriv utan forkynning eller forførande kunster om den punkterte tida, rett nok med vekt på dei vonde hendingane, truleg av di det er heller langt mellom globale gladsaker, og han skriv det med klokskap og imponerande kunnskap.
Odd W. Surén, Dag og Tid
Det er uhyre vanskelig å få grep om det historiske øyeblikket vi selv står i. Alt kan fortsatt skje, det er ingen selvfølge hvor ting er på vei. Det er dette mesterstykket Tichy utfører her: Han viser oss formen på systemet vi lever under, som stadig gjør seg usynlig for oss i sine mange forkledninger.
Elin Kittelsen, Vinduet
Andrzej Tichý
Andrzej Tichý blei fødd i Praha i 1978 og bur i Skåne, Sverige. Han debuterte med Sex liter luft i 2005 og blei tildelt Borås Tidnings debutantpris. Hans andre roman, Fält (2008), blei nominert til Nordisk råds litteraturpris. Han mottok Aftonbladets litteraturpris 2013 for Kairos og Omsorgen, som begge kom ut i 2013. I samband med nominasjonen av Kairos til Nordisk råds litteraturpris 2014 skreiv priskomiteen om Tichý at «med si fjerde bok framstår han som ein av dei mest originale og talentfulle forfattarane i den unge svenske litteraturen».
Kjøpsvilkår
Standard kjøpsvilkår
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO