Skjønnlitteratur
Vaim Hotell: roman
«Det er i seg selv et kunststykke at Fosse gjennom tilsynelatende absurde samtaler om kjøttkaker og bortkomne fiskeredskaper klarer å åpne romanen mot de helt grunnleggende spørsmål. Kan vi stole på vår egen erfaring? ...»
— Sigmund Jensen, Stavanger Aftenblad
Vaim Hotell er ei underleg og urovekkjande forteljing om Gjesten, Brita, Handelsmannen og Sjømannen.
Dette er den andre av tre romanar knytte til den oppdikta staden Vaim.
6 stjerner i danske Kulturen NU!
"En hotelgæst tjekker ind på Vaim Hotel, og groteske, stumfilmsagtige scener udspiller sig i hans møde med den diabolske værtinde Brita. ... Mænd forsvinder undertiden i havet på lidt uforklarlig vis, og den slags skal vi heller ikke spares for i ”Vaim Hotel”. ... Fosse styrer det hele benhårdt og disciplineret med ordvekslinger, der hårfint balancerer på det absurde overdrev og som rummer en komik, man totalt overgiver sig til."
- Hans Nielsen, Kulturen NU
Sagt om boka
«Er du klar for et kresent stykke absurd uhygge? Nobelprisvinneren Jon Fosse skrur til paranoiaen mange hakk i sin nye, ganske skumle roman.»
— Sindre Hovdenakk, VG
«En karikert bygderoman, en klisjéfylt skrekkthriller og en komedie går inn på en bar. Der blir de sittende hver for seg.»
— Agnes Brenna (f. 2003), BLA
«[E]n fascinerende fortelling.»
— Marius Wulfsberg, Dagbladet
«Du kan sjekke ut når du vil, men du kan aldri dra.»
— Sigmund Jensen, Stavanger Aftenblad
«[E]in gåtefull, vestlandsk roman med mørk humor, identitetsspel og indre kamp. ... Fosse leikar, med karakterane sine og med lesaren.»
— Hilde Vesaas, Dag og Tid
«I andre del av Vaim-trilogien leker Jon Fosse med litterære klisjeer – og gjentakelser.»
— Tom Egil Hverven, Klassekampen
«Fosses andre bind i Vaim-trilogien er noe av en absurd thriller, som bringer tankene til forfattere som Franz Kafka og Samuel Beckett, men også til de besynderlige hotellene i «The Shining» og «Twin Peaks».»
— Erlend Liisberg, Bergens Tidende
«Overraskende, litt kafkask roman i Fosses trilogi fra mystisk vestlandsbygd. ... Dette er nok det nærmeste Fosse kommer en skrekkhistorie.»
— Terje Eidsvåg, Adresseavisen
«Fosse viser glitrande fram slikt vi ein gong kunne, men no har gløymt. I kvardagslege scener er han uimotståeleg.»
— Knut Hoem, NRK
Vaim-sogene
Sjå heile serien →Passar godt saman med
Jon Fosse
Jon Fosse (english bio)
Jon Fosse (f. 1959) vert rekna som ein av vår tids viktigaste forfattarar. I snart førti år har han skrive i ulike sjangrar: romanar, dramatikk, lyrikk, kortprosa, essay og barnebøker. Tekstane hans er omsette til over femti språk, og skodespela er sette opp over tusen gonger over heile verda. Fosse har fått ei rekkje prisar både i inn- og utland.
Jon Fosse voks opp på eit småbruk i Strandebarm i Hardanger. Han gjekk på gymnas i Øystese og studerte ved Universitetet i Bergen. Fosse er cand.philol. med hovudfag i allmenn litteraturvitskap. Han har heile sitt vaksne liv hovudsakleg vore forfattar på fulltid, men har òg arbeidd som journalist, lærar ved Skrivekunstakademiet i Hordaland og som litterær konsulent. I dag er Fosse busett i Oslo. I 2011 vart han tildelt statens æresbustad Grotten, som ligg i Slottsparken. Fosse bur også dels i Hainburg an der Donau i Austerrike og på Frekhaug ved Bergen.
Fosse debuterte som forfattar med romanen Raudt, svart i 1983, men han ser sjølv på novella «Han» i avisa Studvest frå 1981 som sin eigentlege litterære debut. Allereie i den novella finst mykje av det som karakteriserer Fosses tekstar: repetisjonar, indre monologar, ein suggererande og musikalsk skrivestil. I 80-åra gav Fosse ut prosa, dikt og barnebøker, men det store gjennombrotet som forfattar kom med romanen Naustet frå 1989.
Etter at Fosse hadde etablert seg som romanforfattar, poet, essayist og barnebokforfattar, vart han også dramatikar. Fosse uttrykte skepsis til teateret, men skreiv likevel dramatikk for fyrste gong i 1992. Han har seinare skildra det som den største openberringa i sitt forfattarliv. Det aller fyrste stykket Fosse skreiv, var Nokon kjem til å kome, men Og aldri skal vi skiljast er det fyrste Fosse-stykket som vart spelt på ei scene. Det skjedde på Den Nationale Scene i Bergen i 1994.
Fosse skreiv dramatikk i eit rasande tempo på denne tida og fekk raskt innpass på dei viktige norske scenene. Etter berre få år vart også dramatikken hans sett opp i utlandet. Det verkelege internasjonale gjennombrotet kom i 1999. Den franske regissøren Claude Régy sette opp Nokon kjem til å kome i Nanterre utanføre Paris. Året etter spelte det anerkjende Berlin-teateret Schaubühne Namnet på Festspela i Salzburg. Dei to oppsetjingane var med på å bana vegen for dramatikken til Fosse internasjonalt.
Fosse har skrive over 30 teaterstykke, til dømes Namnet, Vinter, Ein sommars dag, Draum om hausten, Dødsvariasjonar, Svevn og Eg er vinden. I dag er teaterstykka til Jon Fosse spelte over heile verda.
Fosse er internasjonalt mest kjend som dramatikar, men han har han heile tida skrive litteratur i andre sjangrar av uvanleg høg kvalitet, slik som romanane Melancholia I og II om målaren Lars Hertervig; Morgon og kveld, der Fosse skriv om den dagen Johannes vert fødd og døyr; og Trilogien, som er sett saman av dei tre delane Andvake, Olavs draumar og Kveldsvævd. Trilogien er ei vakker og urovekkjande forteljing om spelemannen Asle og kjærasten Alida. I 2015 fekk Fosse Nordisk råds litteraturpris for dette verket.
Det aller mest omfattande prosaverket Jon Fosse har skrive til no, er Septologien (2019–21). Dette verket kom til etter at Fosse tok pause frå dramatikken, men også etter at forfattaren konverterte til katolisismen i 2013. Fosse kallar skrivemåten i verket «langsam prosa». Det er prosa med transportetappar, skildringar og refleksjonar, sjølve negasjonen til det raske dramaet. Verket er omsett til over 20 språk og har hausta glitrande kritikkar både innanlands og utanlands.
For Septologien har Jon Fosse fått ei rekkje prisar. Mellom anna Brageprisen og Kritikarprisen. Han har også kome på kortlista til den internasjonale Bookerprisen og amerikanske National Book Award.
Dessutan er dramatikkpausen over, Fosse skriv på nytt for teater. Frå 2020 har det vore urpremiere på tre nye teaterstykke. Det heilaftens teaterstykket Einkvan har urpremiere 25. april 2024 på Det Norske Teatret.
Våren 2023 kom forteljinga Kvitleik, ein lysande roman om grensa mellom liv og død. I 2023 hadde Fosse også eit jubileum som forfattar. Det var 40 år sidan han debuterte med romanen Raudt, svart. Den til no siste prosaboka frå forfattaren er Vaim (2025), den første boka i ein ny trilogi og eit nytt litterær univers frå Jon Fosse.
Jon Fosse vart i 2023 tildelt Nobelprisen i litteratur.
Fleire bilete:
Foto: Helge Skodvin
Foto: Agnete Brun
