Det er ei veke til den nye presten i bygda, Maria, skal gifta seg med Gjertrud, og gamlepresten Jacob Juul har tatt på seg vertskapsrolla og invitert til bryllaupsfest i prestegarden. Han får god hjelp av barnebarnet, Isabella Donnatina, som også skal vera brurepike, og ikkje fullt så god hjelp frå mor til Maria, Solveig Myklebust, som viser seg å vera ei handfull, men heldigvis er det fleire andre gode hjelparar. Det er derimot ei utfordring at den eine brura, Gjertrud, er gravid, og at sommaren er den varmaste i manns minne, og det hjelper ikkje at helsa til Jacob skrantar, men det mest prekære er likevel å få fjerna eit nake og oljete lik frå andre etasje og rista av seg eit par skruppellause bandittar som herjar i nabolaget. Ja, og å overtyda barnevernet om at prestegarden er den rette heimen for Isabella Donnatina, da. Velkommen tilbake til Finnskogen!
Om Til jord skal du bli (2022):
"Rølpete roman om en pensjonert prest som blir morder på side 1. Anbefales!" - SISS VIK, NRK
"En lettbeint, velturnert, underholdende røverroman." - SIGMUND JENSEN, STAVANGER
AFTENBLAD
Sitat frå melding
«Terningkast 5! Totland skriv med herleg overtenning, og lar karakterane få lov til å blomstre i all sin bygdetunge sjarm. Dette er ironi, humor, sarkasme, parodi og friske spark i alle himmelretningar.» - Geir Tangen, krimlitteratur.com «Glitrande og absurd ... [Boka] passar for absolutt alle som vil kose seg med morbid krim. Dette er ei bok du vil bli glad av. Denne må du lese.» - Peder Lofnes Hauge , Leiar, Noregs Mållag
