Eit hemmeleg liv: spesialagent og spaniafrivillig Wilhelm Holst
Denne historia tek til i 1936. I Tyskland har Hitler teke makta. Også andre land i Europa er prega av fascistiske straumdrag. Da den spanske borgarkrigen startar, er norske Wilhelm Holst busett i Paris, der han driv forretningar. Snart er han båreberar og frivillig på republikansk side ved fronten i Spania. Etter at fascistane vinn i Spania, hjelper han flyktningar over grensa til Frankrike. Da tyskarane kjem til Noreg, blir dei to sønene hans på femten og seksten skotne heime i Ådalen. Frå da av risikerer Holst dagleg livet i hemmeleg undergrunnsarbeid i Frankrike. Han blir spesialagent med mange dekknamn og opererer ofte saman med «fru Holst», den britiske agenten Madge Addy.
Kven var han, Wilhelm Holst, og kven var den britiske kvinna som ikkje var hans eigentlege kone? I denne boka dreg barnebarnet på jakt etter løyndomane i livet til ein bestefar han aldri møtte. Saman med forfattar Sigrun Slapgard leiter han i hemmelegstempla dokument og brevsamlingar, og gradvis trer historia fram - ei skakande forteljing om korleis to brutale krigar endra livet til ein mann og slo inn i ein familie.
Sigrun Slapgard (f. 1953) er journalist og forfattar. Ho har jobba som utanriksjournalist i NRK og har skrive ei rekkje bøker. For Krigens penn. Ein biografi om Lise Lindbæk (2002) blei ho nominert til Brageprisen og fekk Melsom-prisen. Også Eit hemmeleg liv (2020) blei Brage-nominert. For romanen Englestien (2013) fekk ho Nynorsk litteraturpris. Slapgard har også skrive ein biografi om Sigrid Undset og romanen Eg har sett jaguaren.
Sitat frå melding
««Resultatet er ualminnelig vellykket. Her går alt opp i en høyere enhet . omfattende arkiv- og kildearbeid, tekstlig driv og spenning. Ja, Slapgard klarer kunststykket å spekke teksten med veldokumenterte detaljer, samtidig som hun holder leseren på tå hev.»» - Anne Merethe K. Prinos, Aftenposten ««Ho har ein skrivestil og fortellarmåte som ligg så nær opp til skjønnlitteraturen til romanen som er mogleg utan å kompromisse eller utvanne dokumentarstilen og late som om det er dikting. Å kalle dei over 350 sidene lettlesne, kan lett misforståast. For sjølv om både dramaturgien og historiene Slapgard skildrar har høg lesbarheit, fer ho ikkje med harelabb over innhaldet eller detaljane. [...] ei oppleving å lese.»» - Per Ivar Henriksbø, Gudbrandsdølen Dagningen ««... ei velskriven og ofte spanande bok.»» - Torgeir Sæveraas, Dag og Tid ««Slapgard [...] skriv fram eit fascinerande, fleirtydig psykologisk portrett av ein mann vi er vane til å møte som stereotyp nasjonal-oppbyggeleg helt. Det er ei bragd.»» - Geir Pollen, Klassekampen ««Den spanske borgerkrigen kan Slapgard ut og inn, her har hun også stupt inn i fransk motstandsarbeid og britisk etterretning, i et drama med et eventyrlig tilsnitt.»» - Guri Hjeltnes, Prosa ««Etterrettelighet har kanskje vært den mest etterspurte kvaliteten i kulturdebatten denne høsten. Sigrun Slapgard har løst oppgaven å belyse et liv med mange hemmeligheter, ved å vise respekt for det hun ikke vet. ... Under overflaten av avisoverskrifter og det akutte språket fra ekstreme situasjoner, har Slapgard vernet om tausheten krig også innebærer. Det gir dybde til en bred fortelling.»» - Live Lundh, Morgenbladet ««Historien om agenten Wilhelm Holst er så usannsynlig at den bare kan stamme fra virkeligheten.»» - Aslak Nore, Aftenposten
Sigrun Slapgard
(f. 1953) er journalist og forfattar. Ho har jobba som utanriksjournalist i NRK og har skrive ei rekkje bøker. For Krigens penn. Ein biografi om Lise Lindbæk (2002) blei ho nominert til Brageprisen og fekk Melsom-prisen. Også Eit hemmeleg liv (2020) blei Brage-nominert. For romanen Englestien (2013) fekk ho Nynorsk litteraturpris. Slapgard har også skrive ein biografi om Sigrid Undset og romanen Eg har sett jaguaren.
Litterære prisar
Nynorsk litteraturpris 2014
For Englestien
Kjøpsvilkår
Standard kjøpsvilkår
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO