Idar Lind
(f. 1954) har gitt ut ungdomsbøker, romanar for vaksne og sakprosa. Han har også skrive kriminalromanane Hysj og Usynlige spor under psevdonymet Telma B.S. Hansen. Lind voks opp på Otterøya ved Namsos. Han er utdanna cand.mag. med faga kjemi, biologi og drama/film/teater.
Lind debuterte som romanforfattar med Stengte dører i 1983 og som dramatikar i 1990. Han har òg skrive visetekstar og songtekstar, m.a. for D.D.E. Som forfattar har Lind utmerkt seg mest innanfor kriminalsjangeren, og fekk i 1989 Rivertonprisen for 13 takters blues. Krimbøkene hans har eit samfunnskritisk perspektiv samtidig som dei har eit leikande og parodierande forhold til krimsjangeren. Lind har også skrive dei tre ungdomsromanane Det kvite spydet (1988), Vegen til Åsgard (1990) og Den siste dronninga (1991), som til saman utgjer serien Drakeblod. I 2000 kom den historiske romanen Kark, der vi får høyre om den siste store heidningen, Håkon Ladejarl, og Tormod Kark, trælen som tok livet av herren sin.
I 2005 gav Lind ut det omfattande oppslagsverket Norrøn mytologi frå A til Å. Idar Lind har vore styremedlem i Tekstforfatterfondet og Den norske Forfatterforening, og leiar av Trøndersk forfattarlag. Han bur i Trondheim.
Litterære prisar
Rivertonprisen
For 13 takters blues
Naumdøla Mållags målpris
Naumdøla Mållags målpris for 1986
Aschehougs spenningsromankonkurranse
Med Hotell Tordenskjold.
Kjøpsvilkår
Standard kjøpsvilkår
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO