Då Einar fylte elleve år, hadde han ein kjempefest. Men beste vennen hans var ikkje beden, for mor og far likar ikkje eingong å høyre om Rasmus på Tangen. Dei synest han er ein uvaska latsabb, endå dei aldri har sett han. Sant nok ser Rasmus litt merkeleg ut med hjelmen og dei gamle motorsykkelbrillene over potetnasen, og vel er han ikkje verdsmeister i å vaske og barbere seg. Men han er snill, og han har dei villaste eventyr å fortelje. Og no dreg han snart ut i verda på nytt, saman med høna si Sophies Minde, for å leite opp professor Tare Tangens mirakelurt.
