Ylva og pappa er på veg til sommarhuset, som ligg ute ved havet. Men dei er ikkje aleine under dei bratte fjellsidene. Villbukken Svartskjegg og geiteflokken hans held også til her. Det same gjer ørna.
Ylva oppdagar noko nede i fjøresteinane. Noko lite og levande. Ei villgeit held på å få killingar, og ørna er på jakt. Kan Ylva klare å redde dei to killingane åleine?
«Ylva og villgeitene» er ei forteljing om å prøve å vere modig når nokon treng hjelp, men også om å bry seg om alt levande som finst i naturen ikring oss.
Sitat frå melding
««Elementa av barnleg heltemot og naturharmoni gjer dette til ei bok av det oppbyggjelege slaget, sjølv om handlingsforløpet skulle vere eigna til å få opp ikkje berre sjølvtilliten, men også pulsen til små lesarar.»» - Merete Røsvik, Klassekampen
