Akin Duzakin (f. 1961) er fødd i Ankran, Tyrkia, men bur no i Hølen utanfor Oslo. Han er ein prislønt illustratør og barnebokforfattar, og har vunne Brageprisen to gonger med bildebøkene Tvillingbror og Tvillingsøster, der Liv Marie Austrem har skrive teksten. Han har òg blitt tildelt Kulturdepartementets premie for illustrerte bøker for barn og ungdom.I 2003 debuterte han som forfattar med biletboka Kom til Lukas.

Duzakin har hovudfag i grafisk design og illustrasjon ved Statens Håndverks- og Kunstindustriskole. Som illustratør er han særleg kjend for vakre akrylmaleri i delikate fargenyansar, med poetiske, lett naivistiske motiv og tydelege figurar.

Saman med Oddmund Hagen blei han tildelt Unni Sands bildebokpris for 1998, for biletboka Over jordet. Elles har han motteke fleire internasjonale utmerkingar, og i 2006 fekk han Bokkunstprisen for sitt virke som nyskapande og toneangivande illustratør. Akin Duzakin har fleire gonger fått diplom og sølv i Årets vakreste bøker og Visuelt-konkurransen.