Den tredje boka i Skammarserien startar der Skammarteiknet sluttar. Skammaren og dei unge barna hennar Dina og Davin har søkt ly i huset sitt i Høglandet, men familien blir atter kasta ut i ein kamp for livet.
Det startar med at Dina møter ein framandkar på marknaden som viser seg å vere far hennar. Mora hadde meint å halde eksistensen hans hemmeleg, fordi han er Svartemeister. Han har slangens gåve, dvs.evna til å manipulere tankane til andre menneske. Og no er spørsmålet: Har Dina arva hans evne òg, liksom ho har arva moras evne til å sjå menneskas vonde samvit?
I botnen ligg grunnleggjande etiske spørsmål: Kven er vond, kven er god? Er farens interesse for Dina ekte, og er Davin villig til å kjempe til det yttarste mot tyranniet? Forfattaren skaper så levande personar og ei så intens spenning at både barn, unge og vaksne blir trollbundne. Den fjerde og siste boka, Skammarkrigen, er både like stor og like god som den tredje.
Forfattaren har fått fleire store prisar for heile serien, som no går sin sigersgang i 20 land.
