Skogen den grøne: dikt for barn

Name: Skogen den grøne: dikt for barn
Brand: Ruth Lillegraven
SKU: 9788252196870
Price: 299.0 NOK
Availability: InStock

Ruth Lillegraven |

Mari Kanstad Johnsen (Ill.) | Innbunden | Sidetal: 61 | ISBN: 9788252196870

Skjønnlitteratur

6-9

2018

translation missing: nn.product.form.variant

Pris:

299 kr

Mengd:

Nominert til Kulturdepartementets litteraturpris for beste barne- og ungdomsbok.

Diktsamling for barn av prisvinnande og kritikarroste Ruth Lillegraven.

høyr!
kviskrar stien

hausten spring
gjennom skogen
stel sommaren
og kjem med
vinteren

og sjå!
gule lauv ligg og
lyser på bakken

det er gullmyntar
som hausten har
strøydd ut

Kva skjer når eit barn følgjer ein kviskrande sti inn i skogen den grøne? Korleis kan ei bjørk likne ei jente som prøver å riste vatn ut av håret? Og kva med skodda som kjem som huldrepust? Og elgen som flyt i det botnlause tjernet, søkk han heilt ned til Kina?

Som i den Bragepris-nominerte diktsamlinga «Eg er eg er eg er» skriv Ruth Lillegraven med finkjensle for dei små detaljane. I «Skogen den grøne» følgjer vi eit barns undrande blikk på det som lever og hender i naturen rundt oss. Lillegraven tek den unge lesaren med inn i skogen - og inn i poesien.

Boka er vakkert illustrert av prislønte Mari Kanstad Johnsen.

«Gjennom blant annet virkningsfulle, rytmiske gjentakelser tar hun leseren i hånden gjennom denne indre og ytre eventyrverdenen.»
Birgitte Furberg Moe, Barnebokkritikk.no

«Lillegraven viste seg å vera ein poet av internasjonalt format idet ho byrja å skriva for barn. [...] på ein sjenerøs, lett tilgjengeleg måte får ein sjå korleis det som det unge mennesket møter i skogen, får veksa til poetiske opplevingar av tilværet. Opplevingar der det eksisterande står fram fråvrista den vanedøsen som gjer at me normalt berre går rett forbi ting utan eigentleg å sjå dei, utan å føla dei.»
Hadle Oftedal Andersen, Klassekampen Bokmagasinet

Ruth Lillegraven (f. 1978) kjem frå Granvin i Hardanger og bur i Lommedalen i Bærum. Ho debuterte som forfattar i 2005 og har sidan skrive ei rekkje bøker både for barn og vaksne. Lillegraven er mest kjend for diktsamlingane sine, men har òg skrive ein roman, eit skodespel og ein psykologisk thriller, i tillegg til biletbøkene om Mari og Magnus.

I 2013 vann ho Brageprisen for diktsamlinga Urd. For den første diktsamlinga si for barn, Eg er eg er eg er (2016), blei ho nominert til både Brageprisen og Kritikarprisen. To år seinare kom barnediktsamlinga Skogen den grøne (2018), som blei nominert til Kulturdepartementets litteraturpris for beste barne- og ungdomsbok. Begge desse bøkene er illustrerte av Mari Kanstad Johnsen. No er Ruth Lillegraven aktuell med ein ny detektivserie for barn om klima og miljø, illustrert av Jens Kristensen. Klodeklubben er ein internasjonal suksess, og rettane er selde til Sverige, Danmark, Polen og Færøyane.

Meir om forfattaren

Endre passord

Opprett brukarkonto

Skogen den grøne: dikt for barn

Meldingar

Bla-i-boka

Ruth Lillegraven

Du likar kanskje desse

Sist sett på