Då kaptein Gausereide blir funnen død på Stormoen eksersisplass, sender major Tandrum telegram direkte til overkonstabel Johan Ryer. Majoren ønskjer ikkje merksemd om saka no rett før storøvinga. Johan ser dette som ei gyllen moglegheit til å teste ut den nye fingeravtrykksmetoden og har trua på ei rask og vitskapleg oppklaring.
Med systera Sonja ved si side reiser han frå Ålesund, men det viser seg at kvinner ikkje er velkomne i leiren. Dermed må ho etterforske på eiga hand i bygda. Brått blir mordsaka vikla inn i ei anna skakande hending som dreg Sonja ned i hennar mørke, løyndomsfulle fortid.
På stedet hvil er den andre boka i serien om syskenparet Ryer. Eit klassisk mysterium lagt til 1903, ei tid prega av store endringar, der unionen med Sverige knakar i samanføyingane. Sterke kjensler og meiningar brytst, og lojalitet blir sett på prøve både i og utanfor leiren.
Sitat frå melding
«Martin Baldysz har igjen imponert med en knallgod krim, som innehar alt jeg synes hører med i en historie av denne typen. Noen få cliffhangere fikk meg til å se frem til neste bok i serien allerede nå.» - Tine Sundal, Bokblogger «Boka byr på ein flytande dialog og skildringar som gjer scenene svært enkle å sjå for seg.» - Emilie Rætta, Synste Møre
