Fødd 1951 i Gudbrandsdalen, har allsidig pressekarriere som journalist i ymse aviser, spaltist, kommentator, dagleg leiar for Aftenpostens kulturredaksjon og sjefredaktør i Dagningen. Har sidan han utga Tor Jonsson-biografien Berre kjærleik og død i 1999 vore heiltidsforfattar. For denne boka fekk han Melsomprisen og vart nominert til Brageprisen. Sletten Kolloen laga også ein teaterversjon av biografien, urpremiere på Trøndelag Teater i 2000 og er sidan spelt ved ei rekkje norske teatre. Har også arbeidd som forlagsredaktør i Den norske Bokklubben, mellom anna i Bokklubbens Lyrikkvenner, og hadde ein sentral leiarfunksjon i planlegginga av kulturprogrammet for Lillehammer-OL. Kolloen har også gitt ut biografiane om Knut Hamsun, Erobreren og Svermeren på Gyldendal.
