Anne Karin Torheim

(f. 1953) er poet og romanforfattar frå Nordfjord. Ho debuterte i 1990 med diktsamlinga Tida er verken ute eller inne, og ga ut sin første roman, Kven er redd for Sonja Henie? i 2002. Torheim ga ut si andre diktsamling, Huset på Halvvegen i 1993. I 1996 kom den tredje, Ferskentransporten: memoranda. Til saman utgjer desse tre bøkene ein dikttrilogi kalla Ferskentrilogien. Torheim har arbeidd med teater og skrive litteraturkritikk. Forutan sine eigne bøker har ho delteke i ulike antologiar, som Og ordet ble ord – ei essaybok om poesi (red. Arne Ruste og Dag Larsen, 1998) og antologiar for barn. For Samlaget har ho dessutan omsett bøkene til Alice Sebold frå engelsk. Torheim var medlem av Det litterære Råd i Den norske Forfatterforening i seks år. I dag bur ho i Stavanger.