Tonemer i en høytonedialekt er ei bok for studentar, forskarar og andre som ønskjer å vite meir om tonalitet i norske språk. Boka gir ein presentasjon av fagfeltet og gjer greie for ei undersøking av tonale forhold i ein enkeltdialekt.Norsk er eitt av dei få språka i Europa der ein kan skilje mellom ulike tydingar ved hjelp av tone (jf. den velkjende tonale skilnaden mellom bønder og bønner). Forskarar har derfor i lang tid interessert seg for tonale forhold i språket vårt. Men det finst få større enkeltstudiar på instrumentalfonetisk grunnlag, og særleg er det lite skrive om dialektar i det vestnorske området, dei såkalla høgtonedialektane. Denne boka presenterer ein grundig fonetisk analyse av tonemrealisasjonar i Egersund bymål, og gir også ein fonetisk analyse bygd på nyare teoretiske tilnærmingar. Boka er på bokmål.
