Hedda skal tilbake på jobb etter sommarferien. Det skal bli ein fin haust. Ho skal vere full av energi og pågangsmot. Ho skal glede seg over alt ho har. Ho har eit godt forhold til kollegaer, og eit godt familieliv. Ho er ennå ung. Ho ser bra ut. Og ho drikk vel ikkje meir enn folk flest?
I Pusteproblem følgjer vi ei kvinne som er i ferd med å miste kontrollen over livet sitt, som svik seg sjølv og dei ho er glad i. Marita Liabø skriv overtydande og nådelaust om lyst, skam og sjølvbedrag.
Meldingar
"Pusteproblem er ei svært god og truverdig skildring av eit menneske som taper kontrollen over sitt eige liv."
Marianne Granheim Trøyflat, Framtida.no
"Liabø skriv godt og vondt og skildrar kjærleik, skam, lyst, alkoholmisbruk og utruskap på ein måte som riv meg med. Pusteproblem er ein roman som klarer å vere fleire ting på ein gong: Det er både ei nær historie om ei kvinne som nærmar seg meir og meir stupet, samtidig som dette er ein roman som vil og tør å vere dagsaktuell. Det gjer Pusteproblem til ei vakker og vond leseoppleving."
Sigrid Agnethe Hansen, NRK
"Personane (også borna) er godt og truverdig teikna, og plottet er veldreidd. […] Det er noko sympatisk og raust, humørfylt og humant over Liabøs romanar"
Eirik Lodén, Stavanger Aftenblad
Marita Liabø
(f. 1971) debuterte med romanen Tempus fugit (Eide) i 1999, og har skrive ei rekkje bøker og antologibidrag for vaksne og barn. Ho arbeider som fjernsynstekstar for NRK, og var tidlegare spaltist i Dagbladet og Dag og Tid.
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO