12. februar 2003 vart erklært internasjonal dag for antikrigspoesi. Engasjerte poetar i Noreg gjekk saman under namnet "Poetar for fred", og i løpet av eit par veker vart det mobilisert til diktopplesingar i åtte norske byar. Denne boka er ei vidareføring av arbeidet og er meint å vere eit manifest for framtida frå den poetiske motstandsrørsla i Noreg i 2003. Krigen i Irak er kanskje slutt, men det er framleis meir enn 30 væpna konfliktar rundt omkring i verda. Om det er naivt å tru at poesien kan redde verda, er det eit faktum at han gjennom tidene har spelt ei stor rolle ved å opne auge og øyre, og ikkje minst spreie håp og skape debatt
