På liv og død

Aud Farstad

Imponerande verk om norske distriktsjordmødrer

Ikkje nokon augneblink i menneskelivet er så kritisk som fødselen. Til alle tider har kvinner hjelpt kvarandre når barn kom til verda. Men etter kvart som legevitskapen vaks fram i Europa, vart denne hjelperolla profesjonalisert, og jordmødrene utdanna som medisinske handverkarar.

Jordmoryrket var det første formelle yrket som var ope for kvinner i Noreg. Jordmorskulen var den første utdanninga for kvinner, og jordmødrene var dei første offentleg tilsette kvinnene i landet. Over meir enn hundre år var jordmødrene dei næraste helsearbeidarane for folk i norske bygder.

Dette er den første samla framstillinga av distriktsjordmødrene si historie i Noreg, frå amtmannen i dagens Møre og Romsdal i 1784 fekk i stand eit ordna jordmorvesen på landsbygda, og til kommunehelselova i 1984 ikkje lenger kravde at kommunane skulle tilsetje jordmor.

Lesaren blir kjend med mange historiske jordmødrer, og følgjer dei tett i deira strevsame tilvere og strabasiøse yrke. Samstundes er dette òg ei forteljing om det norske samfunnet si utrulege utvikling gjennom dei siste 200 åra.

Frå Bokmeldingar

"En rik, fengslende og analytisk sterk beretning om fødsler, kvinnefellesskap og fremveksten av en helt spesiell yrkesgruppe"
Kaja Schjerven Mollerin, Klassekampen


ISBN: 9788252184976

Kategoriar: Årets bøker, Aud Farstad, Fakta og dokumentar

Emneknagg: 2016, Innbunden,

Sjanger: Historie



Meir frå Aud Farstad