Her handlar det om frosken, ja, men også om auren som gaper og syng si takk til bekken og om kråka som seglar mørk og stor over bøen. Og eit eg syng i denne boka, eit eg som iblant hatar alt og alle, som er eit boblehovud av forelsking og som kjenner kroppen krympe seg når ein venn skal reise bort. Det er ein erfaren poet som her bruker sin kunnskap om rytme og rim slik at versa syng i lesaren.
