Signaturen Jens R. er kanskje mest kjend som kunstnaren bak hefta om Vangsgutane, Smørbukk, Tuss og Troll og Haukepatruljen. I tillegg laga han omslag og gjennomillustrerte barnebøker. Eldre lesarar vil også knyte signaturen Jens R. til heilt andre publikasjonar, då han frå 1905 til utpå 1950-talet var ein av dei faste medarbeidarane i fleire sentrale norske vittigheitsblad, som Hvepsen, Humoristen og Karikaturen. Dette er eit nostalgisk mediehistorisk verk som vil vekke gjenkjenningsglede hos foreldre og besteforeldre.
