eg trudde ein positiv test var bevis på liv
det stemmer ikkje
som lyset frå stjernene brukar teikna tid på å nå oss
utviklinga kan allereie ha stoppa
hcg i kroppen som stjernestøv
som Schrödingers katt er du både død og levande
eg står heilt stille
livredd for å opne boksen
For eget i denne diktsamlinga er det ikkje
noko problem å bli gravid - utfordringa er
å halde på barnet. For barnet blir verkeleg,
nesten med det same eget ser dei to strekane på
graviditetstesten. Eit liv og ei framtid ho mister
gong etter gong. Kvifor er det så vanskeleg å
bli mor når det er så lett å bli gravid? For eget
er det blodig alvor, kvart liv som ikkje blir. For
helsevesenet er det daglegdags. For lesaren er
det eit viktig innblikk i ein situasjon mange
kvinner står i, men som enda fleire veit lite eller
ingenting om.
Sitat frå melding
«Bonsaksens vonde historie og nære toneleie er både sympatisk og empativekkjande. [.] Eg trur desse dikta vil finne og glede mange som treng å lese om det som altfor lenge var einsame erfaringar.» - Merete Røsvik, Klassekampen
