Gourmet for folket

Ole Jonny Eikefjord (f. 1970) kjem frå Førde i Sogn og Fjordane. Han starta kokkekarriera si på Sunnfjord hotell der han gjekk gradene frå læring til kjøkkensjef. Deretter blei han kjøkkensjef på Hotel Continental i Oslo. Der blei han ”oppdaga” av Petter Stordalen, og saman starta dei Restaurant Eik. I kjølvatnet av Restaurant Eik starta dei også opp Eik Annen Etage og fiskerestauranten Fjord. Alle dei tre restaurantane får strålande kritikkar og byr på herlege matopplevingar, så det kan vere smart å bestille bord god tid i førevegen. Ole Jonny er ein energibunt som trivst med å ha mange ballar i lufta. Hans favorittingrediensar er alt som er friskt og ferskt, og han kjøper gjerne råvarer hos lokale produsentar. Gourmetmat treng ikkje vere vanskeleg eller tidskrevjande å lage. Det er lov å jukse litt med buljong og fond, og det er fullt muleg å kjøpe ingrediensane i ein vanleg, velassortert daglegvarehandel. Gourmet for folket er den første kokeboka til Eikefjord.