Eventyr, tårer og latter

Kjell Snerte | Arthur Arntzen

I året han fyller 70, og i samarbeid med Kjell Snerte har Arthur Arntzen skrive ei personleg og mangslungen minnebok om dei mange sidene og stadia i det fleirledda livet til den treffsikre, folkekjære og langt frå tannlause showmannen og humoristen frå Tromsø.

Boka gir personlege glimt frå Arntzens liv frå barndom og oppvekst i fattigdom, med dårleg og tilfeldig skulegang, og viser korleis desse rammevilkåra forma livssynet hans. Den rikt illustrerte boka gir eit lengdesnitt av utviklinga frå folkeleg komikar til samfunnsrefsar og reflektert ”landsfader” og ”humorprofessor”. Boka inneheld både nyskrivne tekster og intervjuinnslag og får fram noko av bakgrunnen for at Arntzen av ”folkejuryar” er blitt kåra til landets fremste humorist, men vi får også repetert moment frå den illsinte bannskapsdebatten.

Frå Bokmeldingar

Den nye boka av og om Arthur Arntzen er både artig, tankevekkande og innbydande. [...] Boka er ein fin gåve og ei bruksbok – her er flust av vitsehistorier til glede i juleselskapa.
Margoth Hovda-Lien, Nordlys


ISBN: 9788252169966

Kategoriar: Fakta og dokumentar, Kjell Snerte

Emneknagg: 2007, Innbunden,

Sjanger: Biografi og portrett



Meir frå Kjell Snerte