Blokka på Bjerke

Bjørn Hatterud |
Digital lydbok | ISBN: 9788234010873

Pris:
translation missing: nn.product.general.sale_price349 kr
Forventa i sal: 25.05.2023
Om blokklivet og plassen til det sårbare.

I boka «Mjøsa rundt med mor» skildra Bjørn Hatterud livet som homofil og funksjonshemma med bakgrunn i arbeidarklassen i Brumunddal. Boka vann mange hjarte, vann Kritikarprisen, og Hatterud fekk Fritt Ords Pris for å fortelja om korleis det er å vera funksjonshemma i Noreg i dag. I si nye bok, «Blokka på Bjerke», held Bjørn Hatterud fram med å skildre si eiga livsreise.

No tek Hatterud oss med til Oslo aust. Han er på flyttefot, skal forlata blokka på Bjerke i Groruddalen der han har budd sidan 2009. Hatterud flyttar ikkje med lett hjarte. Blokka er ei av dei eldste her i landet, ligg like ved Trondheimsveien, har tolv etasjar og heis og er bygd i ei tid då høghuset var sjølve framtida. Då blokka stod ferdig i 1961, flytta 48 heldige familiar inn. Då uføretrygda Bjørn flytta inn i 2009, var det mest fordi den slitne leilegheita var ei av dei få han hadde råd til med hjelp frå Nav.

Men Bjørn fann seg til rette og blei nær venn med mange av naboane, som krigsseglaren Bjarne og Ester som ein gong var ei fattigjente på Langøyene. I dag opplever blokkene ein ny vår. Frå å ha vore plassen for dei gamle og trygda er blokkene i dag også plassen for dei unge og vellykka. Bjørn Hatterud har sjølv gått frå botnpunktet då han flytta inn, til å bli ein som vert rekna med, som kulturskribent, forfattar og kurator. No blir blokka pussa opp, og også området vert oppgradert. Ein utilsikta konsekvens er at det sosialt ureine forsvinn, ein type menneske blir borte frå Hatteruds nabolag.

«Blokka på Bjerke» er ei gripande forteljing om Hatterud, livet i dei tolv etasjane og endringane som skjer med både området, blokka og Hatterud sjølv.

Bjørn Hatterud

Du likar kanskje desse

Sist sett på