Last ned omslag

Bla-i-boka

Liljene på stranda

Rønnaug Kleiva

Historiene vi fortel kvarandre

Ei norsk kvinne innleier eit forhold til ein eldre mann i Aten. Under eit opphald på den tidlegare fangeøya Makronissos, der mannen ein gong var internert, fortel dei kvarandre om liva sine. Sjølv er kvinna sikker på at det er mykje ho har gløymt, men korleis kan ho vite kva? Fleire episodar gjer henne usikker på kva som er sant og ikkje, både i hennar eiga og andres historie. Ho møter mannen igjen etter 25 år. Kva er igjen av deira felles opplevingar, og kven er ho blitt, i eigne og andres auge?

Romanen krinsar om dei ulike versjonane av forteljingane vi omgir oss med. Kan ein i det heile stole på minnet – og på kvarandre? Brutalt og usentimentalt utforskar Kleiva det å bli eldre, døden og det svikefulle minnet.

Frå Bokmeldingar

Terning 5 «Var, vemodig og valdeleg bok ... vakkert om kjærleiken ... Minnet er nok svikefullt, og personane hennar er usentimentale, brutalt konkrete i si tilnærming til eiga røynd, samstundes som ho får dei draumeaktig til å sveva for augene på lesaren i ein roman gjort av mykje skrivedugleik og venleik».
Jan Askelund, Stavanger Aftenblad

Terning 5«Liljene på stranda er en sober og vakker roman om livet, om det som består og det som forsvinner».
Maya Troberg Djuve, Dagbladet

Terning 5«Rønnaug Kleiva skriv klokkereint, utan å sentimentalisere [...]. Ho er noko for seg sjølv i den norske bokheimen».
Vidar Kvalshaug, Bok365

«Liljene på stranda er ein god roman om minne, aldring, kjærleik og identitet ... Både boka og hovudpersonen hjå Kleiva har karakter, endåtil karakteren Særs godt. Då er det ikkje så farleg med minnet».
Odd W. Surén, Dag og tid



Meir frå Rønnaug Kleiva