Israel Shamir (f. 1952) er russisk-israelsk journalist, omsetjar og forfattar. Han vart fødd i Novosibirsk, men flytta til Israel i 1969, og bur no i Jaffa. Under Yom Kippur-krigen i 1973 var han fallskjermsoldat i den israelske hæren. Han var korrespondent for den leiande israelske avisa Haaretz i Moskva under oppløysinga av Sovjetunionen, men mista jobben då han tok til orde for at dei palestinske flyktningane frå 1948 skulle få venda heim. Mellom mykje anna har han omsett forfattarar som Agnon, Homer og Joyce til russisk.
