Ei hylling til jentene og fantasien, har konsulenten kalla den siste romanen til Arnt Birkedal, utgitt av Det Norske Samlaget. Temaet er sentralt i litteraturen og også i forfattarskapen til Birkedal: Avstandsforelsking, med intense fantasiar og fabuleringar om alt som vedkjem den utkåra jenta. Ho har nyleg flytta inn i nabohuset og driv tilsynelatande upåverka på med sitt, medan den lengtande guten legg meining i og vekt på kvar minste ting. Her blir dei konkrete detaljane springbrett til eit poetisk univers, dikta opp av den lengtande guten å eit univers der det mytiske og det faktiske, det indre og det ytre, glir saman. Og det er gjort med humor, og med Birkedals umiskjennelege språklege særpreg.
