Den store norske siderguiden
Visste du at sider er Noregs svar på champagne? Ifølgje utanlandske kjennarar er Noreg eit av dei mest spennande siderlanda i verda akkurat no. I denne boka tek siderekspert Thomas Digervold deg med på eit djupdykk i det flytande gullet. Han har smakt seg gjennom kassevis med sprudlande eplevin for å hjelpe deg å finne dei beste polkjøpa frå norske fruktgardar. Du lærer også korleis du luktar og smakar, og får ein lettlesen snarveg til kjenneteikn på ulike eple, siderkategoriar og siderregionane frå aust til vest. Digervold gir deg dessutan ei grundig innføring i kva for sidertypar som høver til ulike råvarer. Som avslutning serverer han eit knippe eksklusive oppskrifter på mat og drinkar der sideren er sjølve stjerna.
Med denne boka får du ein av Noregs fremste siderkjennarar på heimebesøk. Når du har lese ferdig, har han lært deg korleis du kan bruke kortreiste bobler av internasjonal kvalitet til alt frå fredagstaco og reker, til velkomstdrink og som følgje til fleirretters bryllaupsmiddag. Ja, og kva for sider som eignar seg om du vil drikke litt større mengder, og som du kan vinne heile festen med!
Thomas Digervold
Thomas Digervold (f. 1984) har jobba med drikke i meir enn femten år og er sidersommelier og ølsommelier. Han driv selskapet «Fest i kjeften» og er mykje nytta som fagdommar i mat- og drikketevlingar, skriv for magasin og arrangerer sidersmakingar. Han har også vore programleiar for Matkanalen. Digervold brenn for å vise fram norsk drikke på ein folkeleg måte.
Kjøpsvilkår
Standard kjøpsvilkår
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO