Blant gudar på Olymp: gresk mytologi illustrert med sitat frå gresk litteratur og bilete av kunst frå antikken

Boka presenterer den mytologiske verda der eit mangfald av gudar styrer over dei store gåtene i menneskelivet og på jorda. Opphavsmytane gir svar på det ukjende og uklare, dei forklarar til dømes korleis sjukdom og naud er komne inn i verda. Forfattaren fortel om korleis Zevs fekk makta over himmelen, Poseidon over havet og Hades over den mørke helheimen, og vi møter venleiksguden Apollon, krigsguddommane Atene og Ares og kjærleiksgudane Afrodite og Eros. Heltesegnene skildrar livet til mektige kongar og hovdingar som rekna seg i ætt med gudane. Språket er forsiktig modernisert, men i sitata er Vandviks opphavlege språkform bevart. Med namneliste.