Bartleby er ei humoristisk og absurd historie frå eit advokatkontor. Den nytilsette Bartleby flyttar gradvis inn på kontoret og nektar å utføre arbeidet ved ukueleg å gjenta setninga "eg vil helst sleppa det". I Benito Cereno er vi i ei velkjend Melville-verd, livet til sjøs. Ei mystisk skute kjem ut av kurs og må søkje nødhamn i Chile. året er 1799, og ein amerikansk kaptein kjem til unnsetning. Skuta er eit slaveskip, men herre-slave-forholdet er snudd opp ned om bord etter eit mytteri.
