Nyheiter og populære bøker




Olav H. Hauges vakraste dikt

Olav H. Hauge (1908-1994) er etterkrigstidas fremste norske lyrikar.

Mange av dikta hans har blitt felleseige og har gått inn i norsk litteraturhistorie som klassikarar. No har Samlaget samla over 100 av dei vakraste dikta til Hauge i ei praktfull gåvebok.

Hauges dikt har nådd langt ut i verda og er blitt gjendikta til nær 30 ulike språk. Hauge har ein eineståande appell på tvers av generasjonane, og dikta har gjort han til ein av våre kjæraste lyrikarar.

Det er den draumen
Det er den draumen me ber på
at noko vedunderleg skal skje,
at det må skje – at tidi skal opna seg,
at hjarta skal opna seg,
at dører skal opna seg,
at berget skal opna seg,
at kjeldor skal springa –
at draumen skal opna seg,
at me ei morgonstund skal glida inn
på ein våg me ikkje har visst um.

Barne- og ungdomsbøker



Skjønnlitteratur



Strikk



Eg er eg er eg er

Gjennom 39 dikt skildrar Ruth Lillegraven korleis det er å vere ung og levande. Dikta og kjenslene svingar frå vår til sommar til haust og vinter, og lesaren får vere med på den berg- og dalbanen livet kan vere når ein er ung.

Bragepris-vinnar Ruth Lillegraven, viser med Eg er eg er eg er at ho verkeleg er ein forfattar som også unge lesarar vil få stor glede av.

Samlinga er illustrert av prislønte Mari Kanstad Johnsen. Design: Torill Stranger, Stranger Design.

Kjærleik

kjærleik
bur overalt

kjærleik bur
i sparkesykkelen din
i jakka di og skoa dine

kjærleik får meg til
å stige opp opp opp

som ballen du sparkar
mot himmelen

Leseland