Andrea ligg vaken om natta og er redd for at mamma skal døy. Elias ser pappa klikka på dopseljarane som heng utanfor blokka der dei bur. Georg opnar vindauget, det er midt på natta og han vil rømma heimanfrå.
Andrea, Elias og Georg har ein ting til felles: Dei er blant dei rundt 111 000 barna som veks opp under fattigdomsgrensa i Noreg. To til tre barn i ein vanleg skuleklasse er fattige. Sidan 2001 er delen fattige barn meir enn tredobla. Korleis opplever ein fattigdom i verdas rikaste land?
Folka du møter i boka, er åleineforeldre og folk med innvandrarbakgrunn - familiar som statistisk sett er særleg utsette for fattigdom. Dei fortel om den evige kampen for å mildna konsekvensane av fattigdom i eit land prega av overflod. Dette handlar om barna som bur trongare og i dårlegare husvêre, og som er meir utsette både for fysiske og psykiske sjukdommar.
Foreldra må på si side leva med kjensla av at dei ikkje klarer å gje barna det dei treng. Erfaringane til desse familiane er ofte usynlege. Perspektivet deira manglar på foreldremøta som konkluderer med at 100 kroner er ein passande minstesum for presangar i barnebursdag. Forteljingane deira manglar når politikarane får gjennom kutt i trygda for å gjera det meir attraktivt å arbeida. Dei er fråverande når samfunnet blir bygd opp rundt kjernefamiliar med råd til å eiga eigen bustad. Dette er historiene deira.
Maria Lavik (f. 1984) kjem frå Eksingedalen, men er busett i Oslo. Lavik er journalist og har blant anna arbeidd i Klassekampen og NRK. No er ho tilsett i Vårt Land.
Sitat frå melding
«Denne boka om barnefattigdom burde vært gitt til alle på Stortinget. [...] Det er en sterk prestasjon av saksprosadebutant Maria Lavik å beskrive virkeligheten så godt og nyansert.» - Erik Lunde, Vårt Land «Åtte fortellinger om norsk barnefattigdom gjør dypt inntrykk. [...] Historiene [...] gjør ikke bare sterkt inntrykk; vi får også et innblikk i kompleksiteten og alvoret med barnefattigdom i Norge. Dette er tankevekkende stoff» - Ellen Sofie Lauritzen, Dagens Næringsliv «Med Laviks bok får vi ikke bare flere historier og mer kunnskap om fattigdom i Norge. Vi får også en rekke betraktninger og analyser av dens årsaker og konsekvenser. [...] en viktig, opprørende og velskrevet bok om et alvorlig samfunnsproblem.» - Marius Wulfsberg, Dagbladet
