{"product_id":"mikrodosering-av-dikt-1","title":"Mikrodosering av dikt","description":"\u003cem\u003eom du legg hovudet\u003c\/em\u003e\u003cbr\u003e\u003cem\u003elitt på skakke vil du\u003c\/em\u003e\u003cbr\u003e\u003cem\u003ekan henda få høyra\u003c\/em\u003e\u003cbr\u003e\u003cem\u003ekva dyra har på hjartet\u003c\/em\u003e\u003cbr\u003e\u003cem\u003e \u003c\/em\u003e\u003cbr\u003e\u003cem\u003ejazzkonsert på låven\u003c\/em\u003e\u003cbr\u003e\u003cem\u003edu lyttar til svalenes\u003c\/em\u003e\u003cbr\u003e\u003cem\u003ebrå moduleringar\u003c\/em\u003e\u003cbr\u003e\u003cem\u003eoppunder takbjelken\u003c\/em\u003e\u003cbr\u003e\u003cstrong\u003e \u003c\/strong\u003e\u003cbr\u003eDropen ytst på hasselbladet og dropen inst i augekråa, er han den same? At naturen er lyrisk, og lyrikk er naturleg, er premissane for Thor Magnus Tangerås’ fjerde diktsamling. Men natur og biomangfald er truga, og vår evne til merksemd, den ro og konsentrasjon som dikt krev, er svekt. Kan difor små, daglege dosar med dikt, «gylne drypp av nåde, små sting av nå», hjelpa oss til å koma nærare på naturen, oss sjølve og kvarandre?\u003cbr\u003e \u003cbr\u003eDenne boka er eit moderne drottkvætt, eit hyllingsdikt til ei dronning – naturen sjølv. Dronninga vår er sjuk, og berre ein heilande age for alt levande kan gjera henne frisk igjen. Gjennom ein serie korte dikt, «destillerte av tårer og puss», blir lesaren invitert med på skogbad i bøkeblad, sommarvals i enga og hugsvalande svalestup. Drope for drope, som ei skål i ein stein, blir merksemda – om små skapningar, dvergmusa høgt på eit strå, og om små rørsler, solgangsbrisen i sivet – slipa og forma slik at kontakten med «fivrelde i kroppen» kan gjenopprettast.\u003cbr\u003e","brand":"Thor Magnus Tangerås","offers":[{"title":"E-bøker","offer_id":47975869710557,"sku":"9788234018183","price":299.0,"currency_code":"NOK","in_stock":false}],"url":"https:\/\/samlaget.no\/products\/mikrodosering-av-dikt-1","provider":"Samlaget","version":"1.0","type":"link"}