Jon Hjørnevik samlar seg

Jon Hjørnevik

Ti tunge år med dikt for nasjonen

I dag er det sjukt vanskeleg å skriva dikt som fleirtalet i Noreg kan lika. Dette har Jon Hjørnevik erfart, etter å ha reist innland og utstrand i ti år med diktsamlingane sine. Han har lese høgt og lågt frå dei fire hårreisande og skakke samlingane sine, og fått både skryt og kjeft for dei same dikta. Nokre plassar har det blitt feststemning, andre plassar til og med bråk. Hjørnevik har testa ut alle slags tema i lyrikken sin, frå «NM i blomsterdekor» til «Slektserotikk». Han har teke for seg spanande byliv, internasjonale hendingar, blaserte kjendisar, kvalmande rikfolk, smålege bygdefolk, bygder utan vegutløysing, innestengd kjærleik på små hyblar, manglande skuletalent, mørktlagde ljosløyper, heimelaga kjøttkaker, lågt inntekstnivå, halvgjort handarbeid, kjedelege hobbyar, strenge foreldre, sjuke slektningar, havarert utdanning, mangelfull seksualundervisning, halvferdig seksuelt samkvem og eit sjokkarta møte med det vellukka urbane.

Konklusjonen er at dikt splittar nasjonen, og at det er vanskeleg å finna dikt som både talar byen og avkrokane si stemme. I håp om at alle skal finna eit einaste dikt dei likar, har Jon Hjørnevik difor samla sine fire diktbøker, eller hefte som mor hans kallar dei, i éi større bok. Jon Hjørnevik samlar seg i eit siste forsøk på å gjera heile nasjonen til lags.


ISBN: 9788252178685

Kategoriar: Jon Hjørnevik

Emneknagg: 2010, Hefta,

Sjanger: Unknown Type



Meir frå Jon Hjørnevik