Last ned omslag

Bla-i-boka

Guden for mareritt

Paula Fox | Tove Bakke

Om kjærleik, fordommar og svik

I 1941 forlèt den 23 år gamle Helen Bynum heimen på landsbygda i delstaten New York for første gong. Ho har fått i oppdrag å hente heim tante Lulu, ei aldrande og fordrukken skodespelarinne i New Orleans. Ei ny verd opnar seg, eit liv fullt av lidenskap, eventyr, sex og kjærleik. Ho blir ein del av ein bohemsk, intellektuell vennegjeng i The French Quarter, og for første gong kjenner ho seg fri til å utforske kva som er mogleg i sitt eige liv.

Andre verdskrigen og undertrykkinga av farga og homofile ligg som eit ubehageleg slør over forteljinga. I eit kapittel lagt seinare i tid innser Helen at livet og omstenda var annleis enn ho kunne førestille seg.

Guden for mareritt er ein roman frå New Orleans om vennskap, kjærleik, fordommar og svik. Boka er omsett av Tove Bakke.

Frå Bokmeldingar

«Fox ein forfattar som kan fortelje ei kjend historie på ein sjeldan kjenslevar måte, og Tove Bakke lukkast svært godt med å overføre den språklege nyanserikdommen til norsk. Ikkje minst kjem Fox styrke fram i skildringane av dynamikken menneske imellom.»
Maria Horvei, Klassekampen

«Paula Fox er først og fremst en meget sterk dikter, enten hun skriver memoarer eller romaner. [...] Jonathan Franzen hevder at Fox avslører «en forbindelse mellom desperasjonen i et ekteskap og desperasjonen i det amerikanske samfunnet». Aktuell, med andre ord.»
Fredrik Wandrup, Dagbladet





Meir frå Paula Fox