Syn og segn. Hefte 4-2019: tidsskrift for kultur, samfunn & politikk
Dans er fest og moro og får deg til å skratte høgt - slik han også er med på å gjere oss til betre borgarar. Skal vi danse meir? spør Knut Aastad Bråten, redaktør i Syn og Segn.
Korleis har #metoo-kampanjen påverka flørten og det erotiske spelet mellom kjønna? Ylve Gudheim i prat med psykolog Fanny Duckert.
Bente Sandvig har kjempa mot kyrkja si makt i det norske samfunnet. - Vi har ikkje ei statskyrkje lenger, men vi har noko som liknar fælt, seier Bente Sandvig - i samtale med Linn T. Sunne.
Kva skal musikken utrette utover det reint musikalske? Finst ei djupare meining med han? Odd Nordstoga, Sandra Kolstad, Tor Espen Aspaas og fleire skriv om krafta i musikken.
Utan å vite kva som er på havbotnen, er det umogleg å verne. Det er så mange som vil bruke havet, slik at vi skal få breiflabb på tallerkenen og bensin på bilen, skriv Silje Pileberg - som blei med forskarar på jakt etter korallreva i norskehavet.
Det er jo så opplagt at vi må ta vare på naturen, at vi må dyrke med klokskap og visdom, det er så sabla opplagt at det er øydeleggande å øydelegge! - skriv Bergljot Kaslegard.
I tillegg kan du lese glitrande tekstar om menn og strikking, av Sturla Pilskog, om kvinnebrølet, av Ingunn Thon, og korleis du kan bli betre til å trylle fram ord - av Øystein Søtvik Rekstad.
Kjøpsvilkår
Standard kjøpsvilkår
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO