Syn og segn. Hefte 4-2016: tidsskrift for kultur, samfunn & politikk
Les samtale med forfattar Thorvald Steen, som snakkar om røyndomslitteraturen, om mor si og sin eigen sjukdom.
Temaartiklar om bunad og folkedrakt ved ekspertane Anne Kristin Moe, Håkan Liby, Ingun Grimstad Klepp og Lizette Gradén. Kva slags rom for nytolking finst i bruken av bunadane i dag, spør dei.
Ebba Boye har snakka med forbrukarkoordinator Anders Nikolay Kvam i Finanstilsynet, som er uroa over veksten i forbrukslåna.
Halvor Moxnes jaktar på Jesus, og kven han eigentleg var: Korleis speglar kulturen og kyrkjelivet i samtida bileta av Jesus, spør han.
Og korleis er det eigentleg å vere sensitiv, undrar filmskapar Sturla Pilskog.
Kvar nyttårsdag benkar Jørgen Norheim seg framfor TV-en for å høyre statsministerens tale. Han spør: Kva funksjon har statsministertalane, og kva er det Erna eigentleg prøver å seie oss?
«Ein gong tenkte eg at pynt var noko dillete og unyttig. Så endra eg meining», skriv Katrine Sele. Saman med fotograf Oddleiv Apneseth tek ho med lesarane på besøk til Rosa sin skjønnheitssalong på Vassenden i Jølster.
Overraskande mange nordmenn har aldri vore i det nordlegaste fylket vårt, Finnmark. Vil du ikkje prøve, spør Aina Basso.
Og som om ikkje det skulle vere nok: Flu Hartberg teiknar vidare på folket på Nakkeskotseter.
Kjøpsvilkår
Standard kjøpsvilkår
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO