Korleis opplever pasientar og pårørande møte med psykiatrien? Og korleis kan desse erfaringane vere ein ressurs? Kva for utfordringar, dilemma og problem er fagfolk opptekne av? Det er tema i denne boka som held saman erfaringar frå brukarar, pårørande og fagfolk og slik utdjupar viktige problemstillingar i psykisk helsevern.
Boka byggjer på intervju med ei rekkje pasientar, pårørande og fagfolk. Tanken er at ein kan lære av kvarandre. Brukarperspektivet er ein ressurs og ei kunnskapskjelde som er lite nytta i psykisk helsevern. Viktige tema er tillitskaping, heilskapstenking, ettervern, tryggleik, medisinering og bruk av tvang. Ved å samanhalde erfaringar og refleksjonar både frå pasientar, pårørande og fagfolk, blir desse tema utdjupa frå ulike sysnvinklar. Slik kan røynslene komme alle til gode.
Boka vender seg til studentar og fagfolk som arbeider innan psykisk helsevern, til pasientar og pårørande, og dessutan til politikarar som legg rammene for psykisk helsevern.
Liv Marie Austrem
(f. 1947) har skrive både romanar, fagbøker og skodespel, men er mest kjend for sine prislønte bøker for barn og ungdom. Austrem debuterte med barneboka Vikagjengen i 1985, og fekk sitt gjennombrot med Runar vart 17 år (1988). Denne boka fekk ho Noregs Mållags barnebokpris for. Boka blei òg omsett til dansk. I 1995 kom Tvillingbror og i 1997 Tvillingsøster. For begge desse bøkene fekk Austrem Brageprisen, høvesvis i kategoriane beste barnebok og beste biletbok. Austrem gav ut si første bok for vaksne, romanen Gyda, i 1995. Boka er ei folkelivsskildring frå Lofoten ved århundreskiftet, ein psykologisk og historisk roman i eitt. Rikkes reise, frå 1997, er ein sjølvstendig oppfølgjar til Gyda, der Rikke har reist frå det harde livet i Lofoten til Kristiania og vidare til Alaska. Som fagbokforfattar har Austrem skrive fleire bøker om kulturen i Lofoten og om psykisk helsevern, m.a. intervjuboka Møte med psykiatrien frå 1999. Ho blei tildelt Vestvågøy kommunes kulturpris i 1989 og Yttriprisen i 1997, for «god litteratur skrive på god nynorsk». Liv Marie Austrem er utdanna cand. mag. og har arbeidd som lærar og teaterinstruktør. Ho er frå Vågå i Gudbrandsdalen, og bur no i Oslo.
Litterære prisar
Brageprisen
For Tvillingsøster
Yttri-prisen
Yttri-prisen for 1997
Vestvågøy kommunes kulturpris
Vestvågøy kommunes kulturpris for 1990
Noregs Mållags barnebokpris
For Runar vart 17 år
Brageprisen
For Tvillingbror.
Kjøpsvilkår
Standard kjøpsvilkår
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO