Årboka. Litteratur for barn og unge 2006 er no i handelen. Denne utgåva av årboka presenterer den heilt nyaste forskinga om norsk barnelitteratur.
No skjer det noko i barnelitteraturforskinga! Fleire unge forskarar er i gang med nye og spennande prosjekt ved fleire forskingsinstitusjonar i landet, og eit knippe av desse har fått plass i årets utgåve av Årboka. Litteratur for barn og unge..
• Anna Beate Storm-Larsen ser på korleis barne- og ungdomslitteraturen blir motteken, og tek for seg skrivemåtar og kommunikasjonsformer hos klassikaren Tormod Haugen.
• Får vi ei barnleggjering eller ei vaksengjering av litteraturen, spør Åse Marie Ommundsen. Ho viser korleis grensene mellom barne- og vaksenlitteraturen blir viska ut i nyare barne- og ungdomslitteratur.
• Anne Skaret utforskar omgrepet ”fleirkulturell barne-og ungdomslitteratur” og Siri Odfjell Risdal tek for seg korleis røynda vi lever i avteiknar seg i det litterære språket.
• I årets forfattarportrett snakkar Hilde Hagerup om skrivearbeidet og synet på unge jenter.
• Årboka innheld dessutan artiklar av Harald Bache-Wiig, Rolf Romøren og Einar Økland og personlege essays av Iben Sandemose, Arne Svingen og Bjørn F. Rørvik. I årbokas faste kritikarinnslag sørger Agnes Bjorvand og Morten Haugen for å løfte interessante nye titlar og trendar fram i lyset.
Årboka. Litteratur for barn og unge 2006 er no i handelen. Denne utgåva av årboka presenterer den heilt nyaste forskinga om norsk barnelitteratur.
Per Olav Kaldestad
(f. 1947) er forfattar og organisasjonsmann. Han debuterte med diktsamlinga Kikkert i 1973 og har sidan skrive ei lang rekkje bøker i dei fleste sjangrar, både for vaksne og barn. Kaldestad er i dag mest kjend for sine barnebøker, men har ein lang forfattarskap bak seg, der eit av kjenneteikna er stor variasjon. Kaldestad turnerer uanstrengt mellom ulike stilartar, og skriv like gjerne gammalengelske sonettar som ramsalt, vestlandsk ferjekrim. Kaldestad har gjort mykje for å fremje kunnskap om norsk barnelitteratur, m.a. som medredaktør for Årboka for barne- og ungdomslitteratur og bildeboknettverket Ord & Bilde. Han har òg vore formann i organisasjonen Norske Barne- og Ungdomsforfattere. For boka Sola klappar meg fekk Kaldestad i 1993 Æresliste-diplom Pier Paolo Vergetio (Europeisk barnebokpris). I 1997 mottok han Samlagsprisen, og i 2001 fekk han Askeladdprisen for sin forfattarskap og for arbeidet med Årboka for barne- og ungdomslitteratur. Kaldestad er utdanna cand. philol., men er i dag forfattar på heiltid. Han bur på Stord.
Æresliste-diplom Pier Paolo Vergetio (Europeisk barnebokpris) i klassen for poesi
For Sola klappar meg.
Betaling og personvern
Alle transaksjonar er sikre og krypterte. Kredittkortinformasjon blir aldri lagra.
Kjøpsvilkår
Standard kjøpsvilkår
Ved forbrukarkjøp gjeld "Lov om opplysningsplikt og angrerett osb. ved fjernsal og sal utanfor fast utsalsstad (angrerettloven)".
Angrerett
Angreretten gjeld i 14 dagar etter at vara er levert. Leveransen må vere i same stand som då du mottok han.
Vil du nytte deg av angreretten, dekkjer du sjølv returkostnadene. Du kan altså ikkje sende returen i oppkrav. Du må merkje returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Feil ved leveransen
Dersom det har oppstått feil eller manglar ved leveransen, dekkjer Samlaget returkostnadene. Merk returen tydeleg med namn og kundenummer/ordrenummer (du kan til dømes leggje ved pakksetelen eller stadfestinga av ordren).
Du må gjerne kontakte oss før du sender noko i retur.
E-post: ordre[a]samlaget.no
Tlf: 22 70 78 00
Returadresse:
Samlaget
Pb. 4672 Sofienberg
0506 OSLO
